“பொதுமக்கள் நலன் முன்னிலையிலே – தூத்துக்குடி மேயர் ஜெகன் பெரியசாமி சாலை, குடிநீர் பணிகள் ஆய்வு”

தூத்துக்குடி மாநகராட்சிக்குட்பட்ட பகுதிகளில் நடைபெற்று வரும் அபிவிருத்திப் பணிகள் குறித்து மேயர் ஜெகன் பெரியசாமி நேரில் ஆய்வு மேற்கொண்டார்.

தமிழ்நாடு முதலமைச்சர் மு.க. ஸ்டாலின் உத்தரவின்படி, பால்பாண்டி நகர் பகுதியில் நடைபெற்று வரும் புதிய பேவர் பிளாக் சாலை அமைப்புப் பணிகளையும், டீச்சர்ஸ் காலனி பகுதியில் நடைபெற்று வரும் குடிநீர் குழாய் சீரமைப்பு பணிகளையும் மேயர் பார்வையிட்டார்.

ஆய்வின்போது, பணிகள் தரநிலையுடன் மற்றும் பொதுமக்கள் சிரமமின்றி நடைபெற வேண்டும் என்பதற்கான சிறப்பான வழிகாட்டுதல்களை அதிகாரிகளுக்கு வழங்கினார். மேலும், குறைபாடுகள் இருந்தால் அவற்றை உடனடியாக சரிசெய்ய நடவடிக்கை எடுக்கப்படும் என்றும் தெரிவித்தார்.

இந்த ஆய்வில் மாநகராட்சி பொறியாளர்கள் மற்றும் அலுவலர்கள் உடன் சென்றனர்.