அமைச்சர் கீதா ஜீவன் தலைமையில் “தியாகத் திருநாள்” வழிபாடு – வ.உ.சிதம்பரனாருக்கு மாநிலம் முழுவதும் மரியாதை!!

கப்பலோட்டிய தமிழன் வ.உ.சிதம்பரனாரின் 89வது நினைவு நாளை “தியாகத் திருநாள்” எனக் கடைப்பிடிக்கும் அரசுத் தீர்மானத்தின்படி, மாநிலம் முழுவதும் இன்று (18.11.2025) அஞ்சலி நிகழ்ச்சிகள் அனுசரிக்கப்படுகிறது.

அதைத்தொடர்ந்து தூத்துக்குடியில், பழைய மாநகராட்சி வளாகத்தில் நடைபெற்ற நினைவு தின நிகழ்ச்சியில் அமைச்சரும் வடக்கு மாவட்ட திமுக செயலாளருமான கீதா ஜீவன் தலைமையில் வடக்கு மாவட்ட திமுக சார்பில் மலர்மாலை அணிவித்து மரியாதை செலுத்தப்பட்டது.

இந்நிகழ்ச்சியில் மாநகராட்சி மேயர் ஜெகன் பெரியசாமி, மாநகர செயலாளர் ஆனந்த சேகரன், மண்டல தலைவர்கள், பகுதி செயலாளர்கள், கவுன்சிலர்கள், வட்ட கழக செயல்வீரர்கள், மாவட்ட–மாநகர அமைப்பாளர்கள், இளைஞரணி நிர்வாகிகள் உள்ளிட்ட பலர் அஞ்சலி செலுத்தினர்.

தமிழர் தியாகச் சின்னமான வ.உ.சிதம்பரனாரின் நினைவுக்கு மாநிலம் முழுவதும் நடைபெற்ற மரியாதை நிகழ்வுகள், “தியாகத் திருநாள்” ஆவியின் அர்ப்பணிப்பை மீண்டும் செம்மைப்படுத்தின.