விளாத்திகுளம் அரசு மருத்துவமனையில் உள்மருத்துவ பயனாளிகள் பிரிவில் மார்கண்டேயன் எம்எல்ஏ ஆய்வு!!

விளாத்திகுளம் அரசு மருத்துவமனையின் உள்மருத்துவ பயனாளிகள் பிரிவில் விளாத்திகுளம் சட்டமன்ற உறுப்பினர், சட்டமன்ற சட்ட விதிகள் ஆய்வு குழுத் தலைவர், தலைமை செயற்குழு உறுப்பினர் G.V. மார்கண்டேயன் ஆய்வு மேற்கொண்டார்.

ஆய்வின் போது, மருத்துவமனையில் உள்நோயாளிகளுக்கு வழங்கப்படும் சிகிச்சை முறைகள், மருத்துவ வசதிகள், மருந்துகள் விநியோகம் உள்ளிட்டவை குறித்து மருத்துவ பயனாளிகளிடம் நேரடியாக கேட்டறிந்தார். மேலும், நோயாளிகளுக்கு தரமான சிகிச்சை வழங்கப்படுகிறதா என்பதை ஆய்வு செய்து, தேவையான ஆலோசனைகளையும் வழங்கினார்.

இந்த ஆய்வின்போது விளாத்திகுளம் மத்திய ஒன்றிய செயலாளர் ராமசுப்பு, கிழக்கு ஒன்றிய செயலாளர் சின்னமாரிமுத்து, மேற்கு ஒன்றிய செயலாளர் அன்புராஜன், தெற்கு ஒன்றிய செயலாளர் இம்மானுவேல், விளாத்திகுளம் பேரூர் கழகச் செயலாளர் வேலுச்சாமி, வார்டு உறுப்பினர் கலைச்செல்வி, செண்பகராஜ் உள்ளிட்டோர் உடன் இருந்தனர்.